Horror Crime : తల్లిని హత్య చేసి తలతో రాత్రంతా గడిపిన యువతి… Surya News

Reading Time: < 1 minute

అస్సాంలోని పశ్చిమ కర్బీ ఆంగ్లాంగ్ జిల్లాలో భయానక ఘటన వెలుగులోకి వచ్చింది. 19 ఏళ్ల యువతి తన తల్లిని హత్య చేసిన కేసు ప్రాంతంలో తీవ్ర కలకలం రేపింది. పోలీసులు తెలిపిన వివరాల ప్రకారం, నిందితురాలు పూజా మాలాంగ్‌గా గుర్తించారు.

ఈ ఘటనలో 42 ఏళ్ల అనుమై మాలాంగ్‌పై కత్తితో దాడి చేసి హత్య చేసినట్లు పోలీసులు తెలిపారు. దాడి సమయంలో అడ్డుకునేందుకు వచ్చిన తండ్రి, చెల్లిపై కూడా ఆమె దాడి చేయడంతో వారికి తీవ్ర గాయాలు అయ్యాయి. గాయపడిన వారిని ఆసుపత్రికి తరలించి చికిత్స అందిస్తున్నారు.

ఘటన అనంతరం నిందితురాలు అక్కడి నుంచి పారిపోయినట్లు సమాచారం. తరువాతి రోజు పోలీసులు ఆమెను అదుపులోకి తీసుకున్నారు. ఈ కేసు విచారణలో పలు సంచలన విషయాలు వెలుగులోకి వస్తున్నాయి. అయితే హత్యకు అసలు కారణం ఏమిటన్నది ఇంకా స్పష్టంగా తెలియలేదని పోలీసులు పేర్కొన్నారు.

సంఘటనా స్థలంలో కొంత పూజా సామగ్రి లభించడం గమనార్హం. ఈ నేపథ్యంలో మంత్రాలు లేదా ఇతర అనుమానాస్పద కారణాలపై కూడా పోలీసులు దర్యాప్తు చేస్తున్నారు. అయితే దీనిపై అధికారికంగా ఇంకా ఎలాంటి నిర్ధారణ లేదు.

ఈ ఘటనతో స్థానికంగా భయాందోళనలు నెలకొన్నాయి. కుటుంబంలో పెద్దగా విభేదాలు లేవని ప్రాథమిక విచారణలో తెలిసినప్పటికీ, ఇలాంటి దారుణానికి కారణాలు ఏమిటన్నది పోలీసుల దర్యాప్తులో తేలాల్సి ఉంది.

పోలీసులు కేసు నమోదు చేసి అన్ని కోణాల్లో విచారణ కొనసాగిస్తున్నారు. నిందితురాలిని కోర్టులో హాజరుపరచి రిమాండ్‌కు తరలించారు.