రూ.60 స్క్రీన్ గార్డ్ వివాదం.. గంజాయి మత్తులో పాతబస్తీలో యువకుల వీరంగం Surya News

Reading Time: < 1 minute

హైదరాబాద్ పాతబస్తీలోని హైదరాబాద్ చాదర్‌ఘాట్ పోలీస్ స్టేషన్ పరిధిలో గంజాయి మత్తులో యువకులు హల్‌చల్ సృష్టించారు.

చాదర్‌ ఘాట్‌లోని ముస్లిం ఆసుపత్రి సమీపంలో సెల్‌ఫోన్ స్క్రీన్ గార్డ్ విషయంలో మొదలైన చిన్న వివాదం పెద్ద గొడవగా మారింది. కేవలం రూ.60 విలువైన స్క్రీన్ గార్డ్ అంశమే ఈ రాదానికి కారణమని సమాచారం. గంజాయి మత్తులో ఉన్న యువకులు తమను రౌడీషీటర్లమని చెప్పుకుంటూ సెల్‌ఫోన్ రిపేర్ షాపులో దౌర్జన్యానికి పాల్పడ్డారు. షాపు యజమానిని బెదిరిస్తూ మామూళ్లు డిమాండ్ చేశారు. ఓ యువకుడు కత్తి తీసేందుకు ప్రయత్నించగా భయాందోళన నెలకొంది. ఘటనను షాపు యజమాని వీడియోలో చిత్రీకరించాడు.

సమాచారం అందుకున్న హైదరాబాద్ పోలీసులు దర్యాప్తు చేపట్టారు. పాతబస్తీలో మత్తు పదార్థాల పెరుగుదలపై స్థానికులు ఆందోళన వ్యక్తం చేస్తున్నారు.

ఇవి కూడా చదవండి