ఒడిశా రాష్ట్రంలో సంచలనానికి గురిచేసిన ఒక విచిత్ర ఘటన వెలుగులోకి వచ్చింది. డబ్బులు తీసుకోవడానికి ఒక వ్యక్తి తన సోదరి అస్థిపంజరాన్ని బ్యాంక్కు తీసుకెళ్లడం దేశవ్యాప్తంగా చర్చనీయాంశమైంది.
ఒడిశాలోని కేయోంజర్ జిల్లాకు చెందిన జీతు ముండా అనే గిరిజన వ్యక్తి తన సోదరి ఖాతాలో ఉన్న సుమారు రూ.19,300 డబ్బులను తీసుకోవడానికి పలుమార్లు బ్యాంక్కు వెళ్లాడు. అయితే బ్యాంక్ అధికారులు సరైన పత్రాలు (డెత్ సర్టిఫికేట్, లీగల్ హేయర్ డాక్యుమెంట్స్) తీసుకురావాలని చెప్పి డబ్బులు ఇవ్వలేదు.
జీతు ముండా అక్షరాస్యత లేని వ్యక్తి కావడంతో ఆ ప్రక్రియను అర్థం చేసుకోలేకపోయాడు. కొందరు అధికారులు ఖాతాదారుని హాజరు కావాలని చెప్పడంతో అతను తీవ్ర నిరాశకు గురయ్యాడు. దీంతో అతను రెండు నెలల క్రితం మరణించిన తన సోదరి సమాధిని తవ్వి, ఆమె అస్థిపంజరాన్ని తీసుకుని నేరుగా బ్యాంక్ వద్దకు తీసుకెళ్లాడు.
ఈ ఘటనతో బ్యాంక్ సిబ్బంది ఒక్కసారిగా షాక్కు గురయ్యారు. వెంటనే పోలీసులకు సమాచారం ఇచ్చారు. సంఘటన స్థలానికి చేరుకున్న పోలీసులు పరిస్థితిని అదుపులోకి తీసుకుని, అతనికి సరైన విధానం గురించి వివరించారు. తరువాత అతను మళ్లీ అస్థిపంజరాన్ని సమాధిలో పూడ్చాడు.
పోలీసులు తెలిపిన వివరాల ప్రకారం, జీతు ముండా తన సోదరి ఖాతాలోని డబ్బులను పొందడానికి అవసరమైన డాక్యుమెంట్లు సమర్పించాల్సి ఉంటుంది. స్థానిక అధికారులు కూడా అతనికి సహాయం చేసి, త్వరలో డబ్బులు అందేలా చర్యలు తీసుకుంటామని హామీ ఇచ్చారు.
ఈ ఘటన గ్రామీణ ప్రాంతాల్లో బ్యాంకింగ్ అవగాహన లోపం ఎంత ప్రమాదకర స్థాయికి చేరుకుందని చూపిస్తోంది. సరైన సమాచారం లేకపోతే ప్రజలు ఎంత తీవ్ర నిర్ణయాలు తీసుకుంటారో ఈ సంఘటన స్పష్టం చేసింది.
- Supreme Court : 15 ఏళ్ల అత్యాచార బాధితురాలి అబార్షన్ హక్కుపై కీలక వ్యాఖ్యలు
- నేటి రాశి ఫలాలు ఏప్రిల్ 30, 2026
- నేటి పంచాంగం ఏప్రిల్ 30, 2026
- Crime Alert: ముంబైలో మైనర్ బాలుడిపై లైంగిక దాడి… వివరాల్లోకి వెళ్ళితే
- Horror Crime : తల్లిని హత్య చేసి తలతో రాత్రంతా గడిపిన యువతి…
- Heat Alert: ఎండలో నుండి వచ్చాక వెంటనే చల్లటి నీరు తాగడం వల్ల కలిగే నష్టాలు…
- Ganga Expressway Launch: ఉత్తరప్రదేశ్లో గంగా ఎక్స్ప్రెస్ హైవేను ప్రారంభించిన ప్రధాని
- Instagram – Crime: ఇన్స్టాగ్రామ్ పోస్ట్ కారణంగా యువకుడి హత్య
- Crime Shock: హృదయ విదారక ఘటన… 18 నెలల చిన్నారిని కాలువలో పడేసిన తల్లి…
